Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: قصيدة: "المش" نظم: الشيخ محمد بن عمر الملحوني الجمعة 24 فبراير 2023 - 11:49 | |
| قصيدة: "المش" نظم: الشيخ محمد بن عمر الملحوني بحــر: المبيت/ المرمة المثنية الحــربــة:
وَمْشــى لِي مَشي ولا اعــرفتُشِي لايَــنْ امْشَــى أوُ فـَـرسامــي خَلـِّيتُــه * قلتْ أعَجْبِي طـَـارْ أوحاصَــلْ عَنْــدْ العديَـــانْ
القسم الأول:
قصَّــتْ هَــاذْ المشّْ يا الفاهَـــمْ عَنْــدِي ديمَـــة اعـــزيــزْ وأنَــا رَبِّيتُـــه * وَتَّخَـــذتُـــه لِيَّـــا اخليـــلْ أنِيـسِـــي فالمكـــــانْ وجْمِيــعْ اللـــي أتَى المَنْزْلِي يَطـْــلبْنِــي وِيقـُــولْ هـــاذْ المــشّْ ابْغِيتُــه * لِيـــهْ انْقـــولْ أنَايَا امْكـَـبّْــرُه لـَـقـْـبِيط الفِيـــرانْ وَعْلِيــهْ المَلــزُومَة اليُــومْ رافـَـدْ يا سيدي كـُـلّْ ساعَـة أوُ لِيـسْ انْسيتُــه * مَا قَدْرُه مَنْ لـَكـْـرُوشْ ياكـلْ وامْخَنَّثْ وُشبْعَانْ ما نَاكــلْ حَتَّى انْـوَكـّْـلـُه سُبحَــانْ الـرَّزَّاقْ مَـــنْ اعْطانِــي واعْطِـيتُـــه * رَزْقـُــه بِـــهْ انْآتِيـــهْ لا ازْيــادَة ولا نــقـصَــانْ طــالْ امْعَايَا مُدَّة اشْحَــالْ فِي مَنْزْلِـــي واليُـــومْ غَابْ عَنِّــي ما رِيتُـــه * وَتْحَيَّــرْ ذَهْـنِــي مَــنْ افـْـرَاقـُـه عـقـْلِي حيْــرَانْ
القسم الثاني:
مَا كـَانْ افْظـَنِّي قُلـْـتْ يَمْشِي * وأنَــا دَايْــرُه فـَــدْوَاخَــــلْ لحْـشَـــا مَا نَنْسَــى هَيْـهَــاتْ مَــشِّـــى * اللآ انْــظـــــنّْ اتْــوَلـْــــدُه مَـشّــــة بِــهْ امْـوَحَّشْ طـَــالْ وَحْشِـي * وَعْلِيهْ مَا اصْبَرْتْ اغفَلـْنِي ومْشَى
خَــلانِي مَنْ فَكـــدُه اعْليــهْ انْسَقْسِـــي فالحْـــوَامْ وَنْــعِيـــدْ احْــدِيــثـُــــه * ما نَعْــرَفْ مَنْ نَهْبُـه أوُ زَيّْغُه وَغْـوَاهْ الشيطانْ نَغْــزُه فـَقـْفـَـاهْ أوُ قَــالْ ليهْ هَاذ المَشّْ اترَفـْـدُه وُلَا اخْشَــا مَـنْ تَمْرِيتُـــه * وَتْــرَامَى عَـنْ مَشّي وُلَا قرَى حَرْمَة يُومْ إيبَانْ وَاشْ إينَسِّنِــي بَفـْــرَاقْ مَشــي كـَانْ امْعَـيَــا اشْحَـــالْ حَتَّـــى وَلـَّفْــتُـــه * كانْ احْــدَايَا يَكلـَسْ مَا يَفـْــرَقـْنِــي بَا غَــــزْوَانْ لكــنْ احْكمْــتْ الله هاكـــذَا تتْصَرَّفْ عَـــنَّا اجْمِيـــعْ رَاضِـي بَقـْـدُرْتُـــه * يَجْمَعْ شَمْلِي بالمَشّْ فِي اقْرِيبْ أوُ النَّظرُه بَعْيَانْ وَاليُومْ اكـْـوَا جَنْبِي أوُ غَابْ عَنِّي يَحْسَنْ عَـوْنِي وَاشْ يَجْمَــعْ تَشْتيتُــــه * بَــاقــي وَاللَّا مَــاتْ مَا اقـْـطـعْـــتْ لِيَــاسْ للآنْ
القسم الثالث:
عَنُّـــه قـَـلـْـبِي بَاقِــي امْهَــوَّلْ * وَنْقـُـولْ مَا شَفْتُــوا مَشّـي يَـا نَاسْ مَنْ خَلانِي فالحُـومَة انْسَــوَّلْ * هَيْهَاتْ مَا اقطعْــتْ المَشــي لِيَاسْ وَاللي سَــرْقـٌـه لابُـدّْ يَحْصَــلْ * وِيعُــودْ جَايْبُــه وِ قَـبَّــلْ فالنـــاسْ
وِيقـُـولْ أنَاسِــي أوُتِـــتْ أوُ هَاذ المـــشّْ اللي الدِّيـــتْ رَانِـــي حَبِّيـتُـــه * غِيــرْ المَكـْـتـَـابْ اللـي قـَـادْنِي مَانَايَـــا خُـــوَّانْ مَهْمَــا حَطيــتْ يَــدِّي اعْـلِيهْ وبْغِيــتْ انْــرَدُّه لِيــهْ عَــزّْ عَنِّــي خَبِّـيتُــه * وَالدِّيتُــه لـَرْسَامِي اسْرِيــعْ بِـهْ امْكلـَّــفْ زَرْبَانْ حِينْ انْظرْتُه اخْــرَجْ مَنْ المنزِلْ انهَضْــتْ اسْريــعْ بالعْــزَمْ حَصَّلـْـتُــه * لايَنُّــه فِــيــهْ ارْبِـيــتْ مَا انْسِــيتُــه بَاقِـــي للآنْ فِيــهْ أمِّيمْتِــي خَلـِّــتْ مَا اسْخِيــتْ نَفْــرَقـْـهَــا كَـَيْقـُولْ مَشّــي لـُو رِيتُـه * مَــا صابَــرْ لِــيـَّا بالفْـرَاقْ هَــذا حُكـْمْ الرَّحْمَانْ
القسم الرابع:
وُبَلـْسَــانْ الحَــالْ يَا الحَضَّـارْ * بَا المَشّْ شَارْ قالْ إِوَلـِّي لـُوكـَارُه هَانِي لـَخْبِيـرْ أوُ كـُونْ صَبَّارْ * لابُــدّْ كـُــلّْ غَايَبْ يَرْجَعْ لـَقـْرَارُه لو طالْ البُعْـدْ يَقـْرَبْ لـَمْــزَارْ * هَـذا ما الـْحَــنْ النَّاظــم فَسْطـَارُه
هَــذا مــا رادْ الله عَــلْ المَــشّْ اخـتَـمْـتُــه للسَّامْعيــنْ مَــنْ بَعْــدْ احْكِيتُه * لرْبَابْ الفــنّْ الفَايْــزِيــنْ دُهَــاتْ أهْـلْ التَّـفْـنَـانْ نَتْوَسَّــلْ للمُــولى ابجــاهْ عيــن الرحمة نَسْعَــى الله وُنَطلـَــبْ ارحَمْتُــه * نَلـْقَـَاهَا فِي لِيلـْـتْ القـبَــرْ وَاللحْــدْ أوُ لـَكـْـفـَــانْ يغْفَــرْ وَزْرِي مَــنْ لا يْنَامْ العَــالـــمْ مَا يخْفَـــاهْ مَا اجْهَـــرْتْ أوُ خبِّيتُـه * يحْفَظنِي مُــولايَا من العْــدَى والوغـدْ الشّيطانْ والأســم ما يخفــا قال محمــد بــن عمــر قـُـــولْ الحسُـــودْ الغــيــتُـــه * مَانَا دَاعِي مَانَا اجْحِيــدْ لاغِـــي سايَـــرْ لـَغْنَانْ | |
|