قصيدة الفــار نظم الشيخ توفيق أبرام

قصيدة الفــار نظم الشيخ توفيق أبرام
   
الدّار اللي شريت ساكنها فار
يا حبابي سمعوا ماجاري
قصة ولات فالمجالس قصة مشهورة
ق1
هاد القصة بدات عند السّمسار
يوم جيتو  عوّال و شاري
دوخني بالكلام وشريت بغير مشورة

مافقت الاّ وكان صار اللي صار
ماقدرت نفسر ماجاري
بيبان الدّار راشيــة والحيطان محفورة

فالأول قلت جن ساكن فالدار
درت سلكـة وقريـت اذكـاري
قول أوحيَ مع الكرسي وشحال من سورة

ماشفت منام ماعرفت استقرار
طول داجي نشكي للباري
وانا اللي كنت فالهنا والحالة ميسـورة
ق2
الفار حقير مايشاور..يسكن دار الغير
ناكر لحسان ما يجاور..والاعندو ضمير
طول الديجان كيناور..ويبات على الحفير
حالو ميسور..وانانسقيت كاس مرة
قلبي مكسور..نرجا لمنام غير مرة
حالي مضرور..ماينفعني معاه صبرة

كانت ساعـة مباركة ياحضّار
يوم ريتو حاصل فشــواري
عينو بالخوف خارجة  وطرافو  محصورة

وانا قلبي سميح ديما صبّار
كــنسلّك  ومـلجّــم  عـــاري
شيمـة الكرام ظاهرة  وسماحة مشكورة

قلت نديرو صديق وطفيت العار
دون حسبــة وخديـت قـراري
يونّـس غربتـي فـدار كبيـرة مهجـورة

لاكن الخير ما يبان فغدّار
لاش رام لعيبي واشقاري
مادار احسان ما وفالي بشروط الجورة...
ق3
الفار نواعريوضاسر..ولو حجمو صغير
غدار شلاهبي اشتاهر..مايامن لو عشير
يرقص ويجول فالمطامر..وانايافالسهير
ينقب ويدور..ماخلّا كيس أو جرّة
ويعيش الدور..ماحاز القوت بيع وشرا
والا بالشور..ماراعى دين أو عشرة
بالي مشغول والشّاغلني فار
مـن فعالو وهنات اصياري
وضحيت بغير خاطري والكبدة معصورة

جار عليا الزمان يا صاحي جار
حين وليـت غريـب فـداري
ريتالفيرانصايلة والبيزان محكًورة

كم من حفرة لقيتها كم من غار
هاد لحقير  مجّرب قاري
شي صبرني على صداعوداتي مضرورة

فنصاص اللّيل يبدا فالتحكار
كايخربش تحت السّدّاري
ماخـلاّلاحصيـر صـايــن والا هيـــدورة

ماوقر زيت لاسمنلاسكّار
اه لوكــان تــراه بصــاري
يخلص بالتني وتالت فحساب الفورة....
ق4
هاد المخلوق عاد جاير..غرّيمافيه خير
ما خلا زيت فالفناير.. والا خبز الشعير
ليلو عدّاه فالقصاير.. ونهارو فالشخير
هاد المسعور.. يحفر حفرة يزيد حفرة
طبعو مغرور.. ما خلا فالخزين قشرة
والا مزكًور..فالحس تقول فيه عشرة  
 وانا طول البهيم هايم محتار
كانساعف حظّي ونداري
مادقت نعاس ماهنيتخلاكي مذعورة

ماينفعنيمعاه غير العطار
بالمصايد والسّم الهاري
ولا قطّة مجبّـدة خلــويّة مسعـــورة  

ولاّ خشبة منشّبة  بالمسمار
أو قطيبمشنقرشبّاري
لصاق اشديدوالنشاشب ومواد محظورة

توفيق اسمي وسال عني تخبار
طول عمري عارف مقداري
مرفوع الهام فالوغى والعديان حدورا

قولي فعيون كل داعي زنجار
فاللغى ما بايع ما شاري
ضهروا مطبوع بالمشاحط وقفاه مدبورة

هاد الحلة كتبتها يا حضّار
من صميم خيالي وافكاري
لصحاب الذوق والولاعة حلة مشكورة

عامل تكلي على الكريم الغفّار
بالحسان يبدل اوزاري
نفسي تلقاه راضية ودنوبي مغفورة