Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: قصيدة مَعْمِي لبْصَارْــ أو الدَّاعِي بَالمَشيخة نظم: الشيخ محمد بلكبير الجمعة 19 يونيو 2020 - 23:13 | |
| قصيدة مَعْمِي لبْصَارْــ أو الدَّاعِي بَالمَشيخة نظم: الشيخ محمد بلكبير بحر المبيت المرمة الراباعية طبع: "اخناتة" لمحمد لحبابي
الحربــــــــة:
وَليـــتْ بْـــدَارَكْ * عِــدْ قـُولَكْ حَــسّْ أمَعْنَى انْفَسـّْــرُه * مَنْطوقْ أمَفـْهُـومْ لـُــو تْئَآمَـرْ * * نَـدْمِيكْ بْغِيــــرْ سِيـفْ لنَّكْ مَعْمِي لبْصَارْ *
القســــم الأول:
مَهَّــلْ عَـنْ جَابَكْ * يَا السَّالكْ مَنهَــاجْ البَغْـيْ قَصّْــرُه * غَابْ عْلِيكْ حْجَاكْ يَا الضَّاسَرْ* * والنَّفْسْ ازْلغَتْ بِكْ دَغْيَا من غِيــرْ اشْوَارْ * زَدْتِي لَهْــرَاجَـكْ * كِيفْ ضَارِي حَنْككْ دِيمَة امْحَجّْرُه * عَلْ لكْـرَى مَكْـوَاكْ مَا تْجَاسَرْ* * صَبْتِي دَ الفَــنّْ تَـرّْعُــوهْ ارْبَابُه الصّْغَـارْ * مَبْكـَـاكْ اتْعَــارَكْ * فَالمْدَايْنْ مَنْ غِيــرْ سْلاحْ شَاهْــرُه * أَعَجْبِي مُوكة عْلى الهْـزَابَـرْ * * تَتْعَـــرَّشْ فْلــوغَى البَغْلة وَلـْــدَتْ اجْهَارْ * غَـــرَّكْ نَمَّامَــــكْ * جَبْتْ جَابَكْ وَسْط البِيــدَا اتْوَعَّــرُه * مَا تَعْــرَفْشِي بِينْ فَالمْضَامَرْ * * يظهر لَجْبُونْ مَنْ الفارَسْ انْعَدْرَكْ احْمَارْ * مَـا تَعْــرَفْ حَالكْ * فِيكْ جَهْــلْ امْرَكبْ نَبْغِيكْ اتْنَظـرُه * بَاشْ تَعْرَفْ قَدْرَكْ فَلمْحَاضَرْ* * مَا عَمَّرْ شِي افْقِيهْ كـَانْ ألحْمَـــقْ زَمَّـــارْ *
القســـــم الثاني:
فِـــقْ ارْعَ بـَـــالكْ * لــُـو اضْحَكتِي لِكْ أنَيـَـا انْهَجّْـــرُه * فَالمِيـدَانْ إِلَى اتْجِي اتْسَاقـْـرْ * * مَا عَنْـدَكْ بَاشْ خِيـرْ لِكْ سَلـَّمْ دُونْ اعْفَارْ * لَازَمْ مَـزْمَــــارَكْ * وُلشْيَاخْ اقـْـدَرْهـَــمْ نَبْغي اتْـوَقـّْـرُه * لايَنـَّـــكْ حَفـَّـاظ يا الغـَـــادَرْ * * واش الحَفـَّاظ كـَيْغَاتـَبْ اشيَاخـُـه لحْبـَــارْ * قَصَّـــرْ فَعْتَابـَـــكْ * كـَانْ تَسْعَـفْ شَقـْشَاقـَكْ لا تـْكـَثـّْرُه * خَفْتْ اتْوَلي فَالجْوَابْ حَايَـرْ * * لَا مَنْ يَفْدِيكْ مْن يَــدِّي فَمْلاعَــبْ لكـْحَارْ * وِيبَــانْ انْحَاسَـــكْ * فِي احْضَرْتْ الشَّجْعَانْ أنَا انْغَيّْــرُه * انْكـَرَّفْ دَرْهْمَكْ فَلحْوَاضَرْ * * وَبْوَادِي دُونْ رِيـــبْ سَقْصِي تَلقَى لخْبَارْ * وَاشْ ابْعُكـَّــــازَكْ * غَرْضَكْ اتْبَارَزْ وُتْضَاهي اشوَاقرُه * أنَا خَفـْــتْ عْلِيكْ فَالمْغَايَــرْ * * تَضْحَى مَلقِي إيوَزّْعُوكْ اهْوَايَشْ لـُوعَارْ *
القســـــم الثالث:
لـُو عَقلـَكْ صَابَـكْ * مَــا تْـقـَــرَّبْ مِيـدَانِي مَــا تْعَمّْـــرُه * لَايَـنْ مَنْهَاجِي عْلِيكْ وَاعَـرْ * * مِيـــزَانَكْ لِكْ فِيـهْ خَــــرَّجْتْ أنَا لعْـــوَارْ * شَمْتَـكْ مَنْ جَابَكْ * لَاغْنَى يَضْحَكْ فِيكْ بْغِيرْخَاطـْرُه * تَرْجَعْ ضَحْكة كِيفْ نِيتْ صَايَرْ* * اشْطـَحْ افْعَـرْسَكْ، هَـرّْمَة تَضْحَى للنَّظارْ * مَا رَمْـتْ اقـْـرَانَكْ * عَمّْــرِي وَلَا فَحْضَرْتِي اتّْخَطــّْـرُه * لكنـِّـــي مَعْلـُــومْ للمْقـَـــادَرْ * * تَلقِي بَالشِّينْ كِيــفْ تَلقِي بَالــزِّينْ اقـْـدَارْ * يَا وِيحَـــكْ مَالـَـكْ * جَبْتْ جَابَـكْ لـَــزْحَامْ ابْلى امْسَمّْرُه * لـَيْتـَكْ خَـلـِّيتِيهْ غِـيـرْ غَابَـرْ * * لِكْ احْسَنْ مَا يْكـَـرّْفـُه بَالـْعِيــبْ الـْبِيطـَارْ * غَــدْرَكْ غَــدَّارَكْ * لـَلـْحْيَـافْ ارْمَاكْ عْــلى الله أجْـــرُه * يَجْزِيهْ المُولى عْلى المْقَادَرْ * * لِيجَــارَة كـَيْسَالـْهَا لـُو مَا أوْقـَــفْ العَــارْ *
القســـــم الرابع:
بَضْغَاثْ احْلَامَـكْ * رَاك تَقـْتِي وَاصْغِيتـِـي لـُو لآمْـــرُه * لو صَابَكْ بْعَقلكْ لو اتْشَاوَرْ * * حَتَّى تَرْوَى عْلى الـرّْوَاسَخْ ذَاوْ اليَضْمَارْ * يَا وَعْــدَكْ بَاسَـكْ * خَرْجْ فِي رَاسَكْ خُذْ الـْظـَى مْحَاوْرُه * خَضْعْ لضَرْبَكْ غِيرْ كـُنْ صَابَرْ* * مَا ظلمَكْ حَدّْ كانْ حَرْتِي اعْطِي بَالأدْبَارْ * مَا نَتْبَــــعْ هَالـَـكْ * مَنْ اهْرَبْ مَنْ حَرْبِي حَتْمَا انْحَـرّْرُه * يَكـْفَاهْ غُلبِي عْـلِيهْ ظاهَـــرْ * * عَجْــزُه يَكـْسِـيهْ فَالـْوغَى بَالــذلّْ ألحْقـَارْ * غَـرَّكْ مَكـْـوَالـَكْ * غِيــــرْ بَالجَّبْهَة كـَاتَضْحَـى امْنَكـّْـرُه * مَا تَدْرِي مَايَة وُلَا انْوَاعـَـرْ * * وَتْسَلطتِي عْـلى لكـْـلَامْ أشْبِيهْ المَطـْيَــارْ * لـَكِــــنْ امْآلـَـــكْ * مَا ظهَـرْ لو شُوْرْ عَنْ اقـْرِيبْ بْاتـْرُه * اسْيُوفْ لسَانِي عْلى الجَابَرْ * * تَلقِي نِيــرَانْهَا امْشَاهَــبْ تَــرْمِي بَشْرَارْ *
القســـــم الخامس:
فَسَّدْتْ اشْرَابَـــكْ * خَوّْضُه سَمْحُوجِي فَالحِيــنْ غَيّْـــرُه * رَاحْ اعْلِيكْ الغُلبْ يَا العَاتَـرْ * * فـَـرْبَابْ الفَـنّْ كـُنْ نَاصَفْ نَـزَّلْ لعْبـَارْ * راغـــم شَمَّامَــكْ * عُنْفْ عَنَّــكْ تَلقِي السّْلَاحْ حَضّْـــرُه * وَتْقَـبـَّـلْ لـَقـْـدَامْ ذَ لحْوَاضَرْ * * كَانْ ارْضِيتِي إِيكفّْ عَنَّكْ سِيفْ الغَزَّارْ * لـَنَّــكْ فَحْكـَامَــكْ * رَاك جَـــرْتِي نَبْغِي عِيبِي اتْوَفـّْـــرُه * تَطـْلـَـبْ اقـْوَامْسْ لقْمَاهـَــرْ * * وَتْسَلـَّــمْ مَا يْوَجّْبُه عَنَّكْ عَنـْــفْ ازْكارْ * تَخْضَعْ لشْيَاخَـكْ * بَاللسَـــانْ أوُ لـَفـْآدْ نَبْغِــي اتْطـَهّْــرُه * وَالـْعِيبْ المَخْلـُوقْ مَا تْبَادَرْ * * كَانْ اصْغِيتِي إيسَامْحُوكْ اشْيَاخَكْ لبْرَارْ * بَعـْـــدْ امْتِحَانَــكْ * وَسْــط لـَشـْيَاخْ امْعَاكْ أنَا انْبَاشـْـــرُه * نَعْرَفْ بَعْدَ غِيرْ كِيفْ دَايَـرْ * * هَــذْ الفَهْــمْ الـّْذِي الدَّعِيتِي عَـلّْ لشْعَارْ *
القســــم السادس:
لـَنِّي فـَزْعَامَـــكْ * مَا نْعَـرْفَكْ حَــرْفْ اشْجِيَّة اتْسَطـّْـرُه * حَتـَّى جِيتِينـِي الـْيُومْ قَاطـَرْ * * بِكْ السّْقَفْ لهْدِيمْ نَحْسَابْ أنَا شِي فَارْ * حَتـَّـى تَفْخَامَـــكْ * بُودْنِي اصْغِيتُه وَأنْتَ مَنْ امْنَابْــرُه * كا تَحْكِي وَتْقُولْ كِيفْ صَايَرْ * * حَتَّى نَسْبُه اقْصِيدْتَكْ لـَّمْدَغْرِي لمْزَارْ * أَهْـلْ يَـنْـصَاتـَـكْ * شَـفْـتْـهُـــــمْ ابْعِينِيَـــا مَـا اتْـغَــيـّْـــرُه * لَا وَاحَدْ شَفْتُه إِينْهَضْ غَايَرْ * * يـَــرْدَعْ لِكْ اللجَامْ وِيــــرَدَّكْ للسَّمَّـارْ * فَالحِيـنْ افْشَارَكْ * وَاجْـــبْ اعْلِيَا مَــنْ حَقـِّي انْعَــــزّْرُه * وَنْأدّْبَكْ عَلّْ لكـْذُوبْ شَاهَـرْ * * سِيفِي انْبَهْـزَكْ بِهْ بَاشْ اتْقَصَّرْ لفْشَارْ * لـَشْيَاخْ اسْيـَـادَكْ * بَالتّْهَامِي لـَمْدَغـْــرِي كـَــا يْصَـــدّْرُه * وَجْمِيعْ اللي هُو شِيخْ مَاهَرْ * * بَالفَضْلْ يَشْهَــدْ لِهْ لِيسْ إِيجَحْدُه عِيَّارْ *
القســــم السابع:
وَأنْـتَ بَلـْسَانَــكْ * كـَتْـقـُـولْ الـْغُـبْـنْ تَـضْحَـى امْجَاوْرُه *عَمَّرْ قَدْرُه مَا ضْحَى مْجَاوَرْ * * لوغَادْ امْثَالكْ يَا خْبِيثْ الدَّيْ افْلكـْوَارْ * الـْزَمْ مَكـْـرَازَكْ * كانْ رَدْتِـي تَتْشَيَّـخْ عَــنْ اقـْمَاهْـــرُه * نعْلكْ اخْلعْ أجِي ذْلِيلْ صَاغَرْ* * نَشْفَعْ لِهُمْ فِيكْ كانْ ارْضَاوَكْ لحْـرَارْ * وِإلى مَنْ عَارَكْ * مَا ارْجَعْـتِي كـَاسـَــكْ رَانِي نْـغـَـدّْرُه * مَنْ تَقْطِيــرْ السَّمْ لِكْ عَامَـرْ * * مَالِي نَسْقِيكْ بِهْ لِيسْ إِينَفـْعَـكْ لـَفْـرَارْ * رَانـِي بَكـْلَامَـكْ * مَا رْضِيـتْ أنَـا غِيــرْ الوَعْــدْ قَــدّْرُه * وَصْلحْتْ الحْبَابْ ذَ لخْوَاطرْ* * وَأمَّا أنَا لِيسْ بـِكْ عَانِي جِيبْ النـَّفـَّارْ * عُمْـرِي لـَمْثَالكْ * مَا بَـرْزْتْ فـْلـُوغَى سِيفِي امْبَخـْتـْـرُه * بَشْيَاخِي دِيمَة اطهِيجْ بَاشَـرْ * * مَا كـَنَـظـْلـَمْ مَا يْطـَالـَبْنِي حَـدّْ بْــثـَـارْ *
القســــم الثامن:
بَلـْغَاتْ اخْبَارَكْ * جَاوْنِـــي قَالـُــوا لِيَا قـُـــمْ سَاقـْــــرُه * قُلـْتْ أنَا مَنْ ذَا الذِي نْسَاقَرْ؟ * * وَاشْ الضَّيْغـَــمْ كـَيْسَاقَــرْ مُوكـَة فَالـْغَارْ * قَالوا لِي حَارَكْ * حِينْ جِيـتْ الـْحَـرْبَكْ قـَالـُوا اتْصَبّْـرُه * هَاذِي ثـَلـْـثْ إِيَّامْ كـَيْـبَاشَــرْ * * لـَعْجَبْ ذَا فَالزّْمَانْ وَاشْ الحَرْبْ ابْلعْذَارْ * وَحَـقّْ الـْمَالـَـكْ * كـَانْ مَا لـَجـْـوَاكْ ارْجَعْـتِـي امْسَـتّْـرُه * حَتَّى نَخـْرَجْ لِكْ لِيثْ بَاهَــرْ * * عَازَمْ نَدْمِيكْ لِيــسْ بَاقِـي يَنـْفـَـعْ تَحْـزَارْ * وَانْهَدّْ أوُطـَانَكْ * بَالخْيُـــولْ ألّا شَاهــــدْتِي اتّْخَطـّْــــرُه * وَتْشَاهَـدْ سِيفْ اللغَا القَاهَــرْ * * يَبْرِي رُوسْ لعْدَى افْحِينْ إيقَصَّبْ لعْمَارْ * خُـــذْ الحَفَّاظكْ * بَاشْ يَضْحَــكْ عَنـَّكْ فَـلـْغـَا امْـزَامْـرُه * لو تَسْعَفْنِي هَاكْ هَا الصَّايَرْ * * رَكـَّمْتـُـه لِكْ بِهْ حَلـَّــقْ فَـقْــرَى وَامْصَارْ * خُـذْ المَمْعَاشَكْ * ذَا الـْقْصِيدْ الـْهَايَـلْ وَشْـدَى اظـْوَاهْرُه * فَـحْـلَاقَــكْ تَخْرَجْ بِهْ فَاطـَـرْ * * وَامْعَشِّي وَاشْ بِكْ غِيـرْ بَطنَكْ ألحْمَـــارْ * خُــذْ المَقْرَاعَكْ * سِيفْ عَبْسِي فِيدْ عَنْتـْـــرَة امْدَخـّْـــرُه * يَبْهـَـــزْ بِهْ امْثَالكْ ألفَاجَــــرْ * * بَالهِيبَة للجْيُــوشْ يَكـْسَــرْ ضَرْبُه بَتـَّــارْ * وَاللي جَا سَالكْ * عَــنْ اشْجِيعَكْ بَالـْوَاجَبْ قـٌـمْ خَبّْـــرُه * بَالْاسَمْ لـَفْـضِيلْ قُـلْ شَاهْــرْ * * مُحَمَّـــدْ مَا اخْفَى بَــنْ الـْكـَبِيـرْ الـْعِـيَّـارْ * | |
|