Admin
Admin
عدد المساهمات : 739
تاريخ التسجيل : 27/01/2008
العمر : 124
 |  موضوع: قصيدة "لا شملال" من نظم "أيوب گلدي الروداني"  الأربعاء 16 أكتوبر 2019 - 16:02 | |
| قصيدة "لا شملال"
من نظم "أيوب گلدي الروداني"
قياس "أعاشق صون هواك" لسيدي قدور العلمي رحمه الله
الحربة
عْذْرُونِي يَا عْذَّالْ عْنْ حَالِي
لِيكُمْ مَايْلِي فْاللُّومَة شْمْلَالْ غِيرْ عْذْرُونِي يَا عْذَّالْ
القسم الأول
أسيدنا
سَالُو عْنْ حَالْ حْزِينْ كِي حَالِي
مْثْلُو أْلَّا تْصِيبُو فْكْتُوبْ اَلْعَشْقْ مَا مْوّْرَخْ مْثْلُو فْمْقَالْ
وَلَا نْقْلُوهْ شْفَاهْ لْجْيَالِي
حْمْلُو عْلَى صْخُورْ ذُّوبْ اوتْغْلِي مَايْطِيقُو شَامْخْ لْجْبَالْ
هَذَا حَالِي مْلْحُودْ عْمْدَالِي
لْحْدِي قْسِيفْ صْدْعِي عْنْ ضْلْعِي مَارْتَى عْنْ قْلْبِي لَاحْ ثْقَالْ
يْقْطَعْ لْنْفَاسْ عْظِيمْ تُوحَالِي
لْيَّا الْأَرْضْ سْنْدَة وْنْكَادِي وْالدّْمُوعْ وْسْقَامِي وْالتّْنْكَالْ
القسم الثاني
أسيدنا
غَارْقْ فْحْلُوكْ تْزِيدْ تْهْوَالِي
لَا شْمْسْ خِيطْهَا دْفَّا لِي جْسْدِي وْلَا بْدَرْ ضْوَّى لِي فْلْيَالْ
وَلَا نْجْمَة دْلَّاتْ لِي تْرْحَالِي
بِينْ السّْهَادْ وْالسّْهْيَة وْالتّْنْهَادْ رَاحْ رَاحْ طْرِيقِي يْطْوَالْ
وِينْ هْرُوبِي وِينْ ايمِينْ وْشْمَالِي
تْفْرَادْ لَا نْهَايَة صْرْتْ مْشْبَّحْ مَايْلِي حْضْرَة بِينْ خْلَالْ
وَلَا حْضْرَة فْسْطُورْ لْسْجَالِي
تْحْكِي حْكَايْتِي عْلّْجْفَا وْالتِّيهْ وْالْغْرَامْ اولُومْ الْعْذَّالْ
القسم الثالث
أسيدنا
سْعَادْةْ لْرْوَاحْ رْيَامْ وْغْوَالِي
وْعْمَارْةْ اَلْمْكَانْ هُمَا لْحْنَانْ هُمْ لْحْضَانْ رْيّْ الْمْذْبَالْ
هُمْ السّْلْوَانْ مْغِيرْهُمْ لَاسَالِي
لَا شْعْرْ لَا شْيَاخْ تْگْرَّحْ شْهْدْ اللّْحَانْ لَا زْطْمْ اولَا تْخْبَالْ
وَلَا مْرْسُولْ رْسَلْ لْرْسَالِي
لَا شِي وْشَامْ يْرْگَامْ لَا شِي دْمْلِيجْ طَاحْ وَلَا نْجْلَى خْلْخَالْ
لَا حْرَّازْ امْطْوَّرْ لْحْيَالِي
وَلَا حْمَامْ يْدِّي عْنْوَانْ مْعَ السّْلَامْ وَلَا فْالْوْرْدَة خَالْ
القسم الرابع
أسيدنا
هَذَا شْعْرِي مْنْ هِيضْ لْدْخَالِي
نْكْوِي مْحَايْنِي بْالْكْلْمَة شُوقِي نْبُوحْ مْنْ بْعْدْ صْبَرْتْ شْحَالْ
مِيلْ أَصَاحْ اَلْعْنْدِي وْصْغَى لِي
لْبْهَى تْلَازْمُو بْعْنَايَة وْرْضِيهْ لَاتْفْرَّطْ لْيَّا فْغْزَالْ
لْنّْ سْتَاهْلْ تْرْطِيبْ وْدْلَالِي
الزِّينْ حِينْ يْحْشَمْ عْنْ زِينُو تَايْزِيدْ عْلّْجْمَالْ جْمَالْ
وْالشِّينْ اِلَا رْبِّي هْدَاهْ اَلْعَالِي
لْهْلَا نْحَاسْنَا فِيهْ ايطِيحْ صْدَا وْغِيرْ فْضَّة لْلَّاهْ بْدَالْ
القسم الخامس
أسيدنا
طَابْ الْمْعْنَى حْدّْ اللّْزُومْ فْقْوَالِي
نْسْقِي سْلَامْ مْسْكْ اوعُودْ اوجْمْعْ النّْسَامْ لَلْوْدْبَا وْالْعْقَّالْ
وْاهْلْ فْرَاسَة وْطْرِيزْ لْزْجَالِي
جْبْتْ النّْظَامْ يَارَاوِي يْبْرِيزْ اَلْكْلَامْ حَاضِي شْرْطْ التّْفْصَالْ
رُودَانِي صَاغْ القُولْ مْتْلَالِي
لِيفُو رْوَامْ فَارْغْ جْعْبَة فْهْلْ اللّْطَامْ زُوزَة تْقْتَلْ تْقْتَالْ
وْالْيَا وْالْوَا تْغْرَزْ لْنْصَالِي
وْالْبَا لْتَامْ لْلسّْمْيَة تْحْكَامَ اَلْخْتَامْ لَلْحُلَّة يَا لْفْضَالْ
------
تمت بفضل الله وحسن عونه | |
|
