Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: قصيدة حراز طامو نظم محمد بلحاج الثلاثاء 27 أغسطس 2019 - 22:33 | |
| قصيدة حراز طامو نظم محمد بلحاج
لوجيبة طامو ياهلي ملكت لي لكنان * تركت قلبي ولهان * حب طويمة رشّاني * ما نرضاشي بِغيرها ، لا مسعودة لا يامنة. __ __ __ __ __
ياناسي لله شكون ياتيني بالعنوان* نمشي لها وكدان * عسّا يفجى تمحاني* وننشد لها اشعار لقماهرنا الملاحنة*
قالو حرزها بخيس طاغي مافيه إيمان وسلب ذابل لعيان غصبني فيها وشواني وحسب باموالو يملك ما ملكاتو لفراعنة
كتمت اسراري وما رضيت تكتافشها عديان وبديت نخمم ف بلان نهزم به الدهقاني حتى ترجع ليَّا الطّام ولفي الغزال الفاتنة __ __ __ __ __
خممت كيف ندير باش نهزم ذاك الخوّان لحرّاز نعت الحزّان نشاهد طامو ف مكاني ننعم معها بالغرام ننساو كلّ مّا قاسنا
جبرت الحيلة ما تفيدني في هاد القرّان وتعلمت الشوطوكان والساموراي الياباني حصّلت حزام اسود آيكيدو ودرجة ثامنة
ثم قصدت الحراز في قلعتو مسلّح مزيان بكوابس لاليمان ولبيريطا طالياني وفي شمالي كالاش درتها وخناجر لمطاعنا __ __ __ __ __
تحزمت بلكَرناد مع الديناميت يا يْخوان والنونشاكو يعلان نصعق لّي يلقاني وصلت لقصرو نصيب جنودو ليا كامنة
وغزالي ف الشرفة كاتشاهد مع النسوان وانايا فاميدان على صهوة شيهاني حما لوطيس مع لقتال والطعن ؤلمطاحنة
ولقوم هنا وهناك مصروعة كيف الذبان لمقتول مع السخفان ولّي مفدوع يعاني والحراز ارفع رايتو ويطالب لمهادنة ___ __ __ __ __
بلمواشي كَيري ضربتو طاحو لو لسنان واتسوكي في لمصران وقضيت على الرعواني وعزواتو من عفيت يقولو لي انت شافنا
ونزلات الطّام مايلة ف تكشيطة حَسان بالسفايف والقيطان وعقد حجرو عمّاني ولوصيفات معها تشمرو كايسقيونا راحنا
ونظرت لمولاتي طويمتي وتحرك الوجدان لما شاهدت بعيان راية جيش العثماني بالتجريدة والطول ولگضر ومشية متوازنة
والشعر حرير الصين طلقاتو فات الصيگان وهذا قوس الحجبان بسهام العشق رماني و بالحيا وجنا مزنگة بحمورية داكنة
والأنف كاسمريس أو مقنين يشدي بلحان وسنينات من جمّان والرگبة يا مكَواني والنرنج فوق رخام ، ما تدركو ريام زمانّا
والذروع صوارم بينهم ننسى كل حزان لكفوف تسبي لذهان فيها نقشات حناني وقالت هذا يوم السرور نردّو فيه افراحنا --- --- --- ---- --- هادي قصة في لخيال جبتها لكم أصدقان نطلب نعم الرحمن ما يواخذني بلساني ماعرفت حراز ولا الطام ولا حضرو لمقامنا
غير فراجة بها نويت ننسّيو شوي لمحان كذاك هموم الزَّمان سقسيو على الكيلاني بلحاج لّا عمرو يكون مرة عاشق لمشاحنة
وهديت سلامي بطيب المسك مع لكَحوان والجوري والسوسان لمن حبّني وبغاني ولّي هو قلبو بغيض ملغي ذكرو ف شعارنا
والصلا والسلام على الشفيع من جانا بلقرآن لهادي حبيب الرحمن صلا تنفعني ف كفاني وجميع لي أمّن على الدعا ، وجملة اخواتنا __ __ __ __ __ تمت وبالخير عمت | |
|