Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: قصيدة ســلــيــمــة نظم: ذ. عبدالجليل بدزي الأربعاء 17 يناير 2018 - 19:23 | |
| ســلــيــمــة نظم: الأستاذ عبد الجليل بدزي
مَكْـلـومْ بَالْجْـرَاحْ مَنْ نَظرَتْ اغْــزالْتْ الْقْفَـرْ جَــرْحَتْنـِي بَسْهَــامْ الشّْفَــرْ ما ظَنـِّي نَــرْتاحْ مَــنْ طَعْـنَـتْ سَلْطانْـــتْ الْبْــنَـــاتْ سْلِــيمَــة أَ شَهْــدَة فَاجْـباحْ لُوجَهْ لُونْ وَاحْـلاوْتْ التّْمَرْ وَ الْعِنِيـنْ اكْــوَابْـسْ الْغْــدَرْ فِي يـَدِّكْ الْمَفْـتَاحْ بِـهْ اتْــــْدَاوِي اعْــــلالْ ذَاتِـــــي السّْقِــيمَــــة يَا رَاحَ تْ لَرْوَاحْ لَحْـوَاجَبْ نُونِيـنْ فِي اسْطَرْ وَالْأَنْفْ كَسَلْطَانْ فَي اقْـصَرْ عَـرَّاضَتْ لَدْوَاحْ شَعْـــــرَكْ قَــارْ مَنُّـــو رُوحِـــــي اهْمِيمَـــــة مَـرْشْـفَــكْ ذَبَّــاحْ أُو رِيقَـــــكْ بَـزْوَالْ الْكْــدَرْ لَسْنَانْ مَاسَـــاتْ فِي اثْغَـــرْ شُوفْ الزِّينْ أَصَاحْ فْـــذَاتْ الْغْــزَالْ الْكَاوْيَـانِي زِينْـــتْ التَّبْسِيمَة وَ انْــهُــودَكْ تَفَّـــاحْ لَفْخَــاضْ اشْوَابَـلْ فِي ابْحَرْ وَ السُّــرَّة كَطَـاسْــتْ الْخْمَرْ مَـــنْ كُــــونْ الْفَتَّاحْ مَــــنْ قَـــدَّكْ رَاحْتْ اجْــــوَارْحــــي اكْلِيمَــة أَ دَامِـــي لَبْـــطـــاحْ يَا نَخْلَة شَمْخَـاتْ فَالصّْغُـــرْ فَاحَتْ عَــرْصْتَكْ بَنْوَاعْ الْعْطَرْ طَلْقِي لِــي لَسْـــرَاحْ زُورِي رَسْمِـــــي بَخْــــلاَقَــــكْ لَكْـــــرِيمَــة الـــزِّيــنْ الْـوَضَّاحْ مَا نَظْــــرُ جَاحَــدْ بَالْبْـصَرْ مَجَّـــدْتُ بَالسَّـرّْ وَالْجْهَــــرْ أُ رَبِّـــي سَـمَّـــــاحْ مَا يْــوَاخَــذْنِي بَالنّسْيَــانْ وَاذْنُــوبِـي لَعْظِيمَة | |
|