قصيدة الصراحة راحة نظم: الشيخ توفيق ابرام

الصراحة راحة

لاشي ترجاه من صحاب المصلحة
لمخيّــر بينهــم فالهــدرة فالــح
وقت الحزّات ما يرومولك ساحة
يخطيك اليوم من كرمتيه البارح
الطبيعة فالوشاق ديما لحلاحة
لسان العاس والفعل كلو جارح
تركو ثوب الحيا ولبسوا لقباحة
الجبهة ماخفاك والوجه القاسح
غابوا لاشياخ فرعنوا شي حيّاحة
بالغشمي والحقيرعمرت لمسارح
الشدّادا مشـاو جـــاو النّبّاحا
واللي قالوا شديد ميزانو طايح
فن الملحون محّنوه الطرّاحا
لا حرمة لا وقار سابت لمطارح
لا تخشى لوم غير قول الصراحة
تهنا وتريع والدواخل تنشارح
والباب اللي تخاف سدّو واستارح

توفيق أبرام... سلا