سرابة الهاجر للشيخ توفيق أبرام

سْرَّابْة (الْهَاجْـــر)

حَالِي هُــوَحَالِــي,,قلْبِـي مَايْهْـدَالِي
هَاجْرْني سُودْ النّْجَالْ
يَارْبِّـي يَاعَـــالِــي,,تْجْمْعنِي بْغْـزَالِي
مِيلاَفِـي بْدْرْ الْكمَــالْ
داكْ الزِّينْ الغَالِي,, غيرو ما يحْلالِي
زِينْ الصُّـورْة بُـودْلاَلْ
وْقْتَاشْ نشُوفْـكْ يَالزِّينْ وَاصْـلْ,, نْتْـزْهَّـا فْالحْــرُوفْ
نْسْعْد و نْحُوزْكْ يَاشْرِيفْ لاَصْلْ,, يْكْفَانِي دا الشّْغُـوفْ
تْنْكَا بْقْدُومْـكْ لاَمْـةْ الْحْتَـايْــلْ
يْحْلاَ الْوْصُولْ مَانْصِيـبْ عْذُولْ
نْغْـنْــمْ فْـالـرّْضَـى الْقْبُـــولْ
مْنْ تَاهْ فْالْهْوَى وْاخْبَـالُو,,وْجْفَاهْ بْالصّْدُودْ غْزَالُو
أوذَاقْ مْنْ شْرابْ انْكَالـُو,, وبْـرَاهْ صَارْمْ انْصَالـو
وَالاَطْبِيـبْ يْلْقـَـالُــــو
ايَا عْنَايْتِي لاَشْ الْغِيبَة,,الغُرْبَة حَارَّة وْصْعِيبَة
زِينْـةْ السّْمِيَّـة لحْبِيبَــة,,دُرّْةْ النّْسَـــا هِبـَـــــــة

توفيق أبرام- سلا - من ديوان (سلوان القلب والروح)

» سرابة الهاجر نظم: توفيق أبرام
» سرابة الفار نظم الشيخ توفيق أبرام
» قصيدة للشيخ المُتقِن توفيق أبرام
» سرابة الحضاي نظم الشيخ توفيق أبرام وإنشاد الفنان عمر درعان
» قصيدة فُوزِيـَّـــــــــة نظم: توفيق أبرام