قصيدة فُوزِيـَّـــــــــة نظم: توفيق أبرام

فُوزِيـَّـــــــــة

الحربة

قُولُو للسَّــاكْنَــــة دْخَــــالِي فُــــــوزِيَّــة دُرّْةْ الْبْنَـــــاتْ
مْصْبَاحْ الزِّينْ فْالنّْعَاتْ
تُوفِــــي بْـــــزْيَارْتِـــي الْهِيفَـــا وْتْعُـــودْ الـــرُّوحْ زَاهْيَــة

ق1
جُودِي لِي بْالوْصَالْ جُودِي يَا شْمْسْ الضّْحَى يلاضْــواتْ
وْهْلاَلْ الْعِيدْ فْالتّْبَاتْ
انْمْتّْــعْ فِــي بْهَــاكْ شُـــوفِــي يَالـــوْجِيبَـــة الْغَالْيَــــة

يَافُوزِيَّــة ضِيَــا عيَانِــي مْــــــنْ بِيــكْ سْــوَايْعِي حْـلاَتْ
وْكْيُوسْ الرَّاحَة مْلاَتْ
زُورِي رْسْمِـي عْلَـى الرّْضَـى يَاتُــوكًـة لْمْهَــا البَاهِيَـــة

يَـا مَـا قَاسِيــتْ فْاللّْيَـــالِــي بْالْهجْـــرَا حَالْتِـــي فْنَــاتْ
والدّْمْعْ اجْدَاوْلُوجْرَاتْ
عْلَـــى خْـــدِّي ولاَلَـــة مْــكْمُولْــــةْ لْبْهَــــا مْسْلّْيَــــة

هْيّْجْتِينِـي بْــالْمحَاسْـــنْ وشْــــرُوطْ التِّيــهْ وْالْخْنَـــاتْ
نَارْكْ فْدْوَاخْلِي كًدَاتْ
وْضْحَى قْلْبِـي عْلِيــلْ فَانِـــي وْجْمَـــارْ الْحُــبّْ كَاوْيَـــة

ق2

لْحْبِيبَــة زِينْـةْ لْمْـــــلاَحْ,, صُولِي بْالحُسْــنْ وْالْبهَـا
بْوْصُولْكْ طَابْتْ الافْــــرَاحْ,, قْدّْكْ زْهْـوَة لْمْــــنْ زْهَــا
اخْــدُودْكْ شًارْقًة صْبَاحْ,,والشّْمْـسْ تغَــــيـرْ مْنّْهَـــا
قْلْبِــي مْغْـرُومْ بْاللّْمَـاحْ,,مْلُسُـوعْ بْشُوفْـــةْ الْمهَــا

اوْصَافْـــكْ يَا الــرِّيـمْ غْلْبَـــــاتْ ارْبَــابْ الشِّعْـــرْ وْالْبْيَاتْ
احْبَارْ الْقُولْ الدّْهَاتْ
وْالنَّاسْ الْعــارفِيـنْ مْثلِـي فْحْـــــرُوفْ الــزِّيــن قَارِيَـــة

شِي يْصْبّْرْنِي عْلَى صْـــدُودْكْ الْقْلْــبْ مْحَايْنُــو قْــوَاتْ
سْهَامْ الْبِينْ مَاهْدَاتْ
وَانَــا مْجْــرُوحْ كَـــانْصِيّْـــــحْ وْنُّـــــوحْ الـــدَّاتْ فَــانِيَــة

نْعْمِي لِــي بْالْمْــرَام نْبْلْـــغْ مْقْصُـودِي عَالْجِـي الـدَّاتْ
ونْقُولْ عْلاَيْلِي بْرَاتْ
يَا بْــدْرْ الزِّيــنْ فِي كْمَـالُــو وْنْجُــــومْ اللِّيــلْ سَانِيَــــة

ازْهرْ رْسْمِـي مْــعَ الزِّيَــارَة وهْمُــومْ دْوَاخْــلِي فْجَــات
اسْرُورْ نْزَايْهِي زْهَاتْ
كِيسَـانْ العْشْــقْ دَارْجَــة بْعْتِيـقْ الــخْمْــرَة الْبَـالْيَـــة

ق3
وْصْلْكْ يَاتَاجْ كُـــلّْ زِيـنْ,, يْشفِـي ضْــرِّي وْعْلّْتِي
حَاجْبْ لْهْلاَلْ وْالْجْبِيـنْ,, هُمَـــا رْبحِــي وْرَاحْـتِي
ادْخِيلْ العَاهْـدْ الْمْتِيــنْ,, دَاوِي بْمْجيـكْ حْرْقْتِـي
مْصَّابْ تْجِي فْكُلّْ حِيـنْ,, وَافِينِــي يَــاعْنَــايْتِــي

نْبَاتْ اللِّيـــلْ كَـانْــرَاجِــي لْحْبِيبَــة عَانْسِــي وْجَـــاتْ
وْحْسُودِي فْالْهْوَى نْكَاتْ
يْزْهْـرْ بْوْصُــولْهَا رْيَاضِــــي وطْيَــــارْ الْحُـــبّْ شَادْيَـــة

نْشُوفْ الْمَالْكَــة عْـلاَجِــي فُــوزِيَّـــــة مَالْهَـــااخْــوَاتْ
فْلْوْقْرْ والـزِّينْ والتّْبَـاتْ
الْقْــدّْ عْــلاَمْ كَايْشَــــالِـي بْثْيَـــــــابْ حْــرِيــرْزَاهِيَــة

السَّالْفْ طَوْسْ فْالحْرَاجِي وْرْمُــوشْ البَاهِيَـة سْطَــاتْ
عْلَى قْلْبِــي وْمَــاهْــدَاتْ
جْسْمِي مْطْعُــون بْـاللّـوَاحْـظْ وْسْيُــوفْ الْهْندْ مَاضِيَـة

الرّْقْبَـة زَايْــدَة هْيَـاجِــي وْالصَّـــدْرْ سْـرَايْــرُ وفْشَــاتْ
بْتْفَافْحْ طَــاهْجَة حْــلاَتْ
الصُّــرَّة مُوجْهَــا رْمَـــــــانِي فْــبْحُـــورْ التِّيـهْ عَاتِيَــــة

ق4
يْكْفِي هْجرَانْ وْالصّْـــدُودْ,, فْهْـوَاكْ لْقِيـتْ مَـاكْــفَا
فْمْجِيكْ نْكَايْتْ الْحْسُــودْ,, يَابْنْتْ الْجُـود وْالْـــوْفَــا
شْعّْـتْ لْنْـوَار فْالْخْــــدُودْ,, لْقْمْــرْ مْــنْ ضِيّْهَا طْفَا
عْـدَّاتْ اوْصَافْـكْ الْحْـــدُودْ,, زِينْكْ صْفَا مْـنْ الصّْفَــا

مَاشُوّْشْنِـي كْـــلاَم لاَيْــــــــــمْ وَالاَ نْمَّــامْ فْالْقْنَــاتْ
يْطْعْنْ فِي سِيرْةْ التّْقَـاتْ
نِيــرَانْ الْبُغْــــضْ فِـــي دْخَــالُو تْبْقَـا بْالشّْـرّْ كًاديَــــة

مْطْمُوسْ الْقْلْبْ والنّْــوَاجْلْ مْغْـــرُورْ بْصِيــرْتُو عْمَـــاتْ
زَايْــدْ بْالْفِيـــشْ وْالبهَـاتْ
دَاخْلْ لْوْغَى بْـلاَ شْطَــــارَة عَانِـــي بْسْيُـوفْ حَـافِيَـة

تَوْفِيقْ اسْمِي وْيَـا السَّايْـلْ عْنِّي فِي سَايْـرْ لُــوْقَـاتْ
أشْعَـارِي وَازْنَـــة سْـوَاتْ
سْلْــوَانِــي رَايْــقْ الْمْعَـاني وْقْــوَافِي بْــالْمْسَاوِيَـــة

مـُـــولاَيَــا غِيتْنِـي بْــالرّْحْـــمَة وْالْغْفْـــرَانْ وْالتّْبَــــاتْ
امْحِـي لْــوْزَارْ و السِّيَـاتْ
بِجَـاهْ شْفِيعْنــا الْهـَـادِي وْتْــــرُوحْ النّْفْــسْ راضِيَـــة