Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: قصيدة المسرارة نظم: توفيق أبرام الأربعاء 1 يناير 2014 - 22:02 | |
| قصيدة المسرارة ( قياس الفرانة )
لله يَا الْمْسْرَارَة رَانِي عْشِيق فَانِي رَاعِي الجْوَارْ يَادَاتْ الغْزَالْ جُـــــــــــودِي بْمزَارِي
ق1 قَالْ يَانَا سِيـــدِي والحُبّْ شَاعلَة نَارُو فِي قْلْبِي شْعِيـــــــلْ وعْيِيتْ مَـــانْبْرّْدْ فِيهْ ومَا قْــــــدْرْتْ نْخْبِّيهْ وَالاَ طْبِيـبْ ينْـفْعْ فِيهْ نْرْجَا فْسَــــاعْــــــــةْ الزِّيَارَة ايْطِيبْ مْرْسْمِي وْيفُوح نسِيم الازْهَارْ بْقْدُومْ دُرّْةْ الـــغْزْلاَنْ ثْيَابْ رَايْقَـــــة فْلْوَانْ الْقْدّْ بَاهِـــــــــي فْتَّانْ هْمَّة وسْـــــــــــرّْ وتْمَــــارَة وخْدُودْ قَانْيَــة تْمْثِيلْ الجُـــــــلاَّرْ بْالحُسْنْ والرّْزَانَــــــــة سْلْبَاتْ افْكَارِي
لله يَا لْمْسْرَارَة رَانِي عْشِيـق فَانِي رَاعِي الجْوَارْ يَادَاتْ الغْزَالْ جُـــــــــــودِي بْمـزَارِي
ق2 قَالْ يَانَا سِيدِي والزِّينْ عَرْبِي مَالِيهْ فْالدّْنْيَا قْرِيــــــــــــنْ شْعْرْ مْسْبّْلْ كْحِيـــل لْبْدْرْ فْالخْدّْ كْمِيــــــلْ الثّْغْرْ وَاجْب التّْقْبِيــلْ قْلْبِي فْهْــمْ لاِيشَــــــــــــــارَة وخْفْقْ لْلسّْرُورْ بْــــــــــوجُودْ الخُنَّارْ صَـالْتْ لاَلَّــة عْربِيَـة تَاجْ الْبْنَـــاتْ سْلْوانِيَة خْلاَّتْ لْعْقُــــولْ سْبِيَّة بْـالرّْمُــــوش البْتَّــــــــــارَة ودْرُوعْ مْرْمْرِيَّـــــــــة تْسْبِي لانْظَارْ الحَاجْبْ القْزَاحِــــي يْعْــــزْفْ باوْتَارِي
لله يَا الْمْسْرَارَة رَانِي عْشِيق فَانِي رَاعِي الجْوَارْ يَادَاتْ الغْزَالْ جُـــــــــــودِي بْمزَارِي
ق3 قَالْ يَانَا سِيدِي وْغْنْمْتْ سَاعْةْ الزّْهُو بْوصُـولْ الرِّيــــــمْ لاَلَّة شْرِيفْةْ الاَسْــــــمْ اضْوَاتْ بِيكْ الْمْرَاسْمْ انْتِ مْرَاحْتْ المْوَاسْمْ وِيلاَ حْلاَتْ لْــقْصَـــــــارَة بْعْتِيقْ المْدَامْ نْخْلْـــــــــــــعُو العْذَارْ طَابْ الْفْــرْحْ فْلِيلْتْنَـــا رِيحْ الْوصُولْ سَاعْفْنَا مِيرْالْغْرَامْ وَاعْــــــدنَا قَالْ بفْصِــــــــــــيحْ الْعْبَارَة اصْطَابْ لِيلْتْكْ بْرْفـَــــــاقْةْ الهْزَارْ العُودْ والرّْبَــــابْ وبْــــرَاوْلْ واشْعَـارِي
لله يَا الْمْسْرَارَة رَانِي عْشِيـق فَانِي رَاعِي الجْوَارْ يَادَاتْ الغْــزَالْ جُــــــــــــودِي بْمزَارِي
ق4 قَالْ يَانَاسِيدِي لله يَا الْمْسرَارَة بِيكْ طْبّْ الْعْلِيــــــــــلْ اعْشِيقْ غَـالْبُـو الْفْرَاقْ مْنْ دَاقْ حْرْقْةْ لاشْوَاقْ رِيقْك عْدْبِــــي تْـرْيَاقْ وْرْحِيقْ النُّــــــــــــــــوَّارَة شْرْبَة مْن الشّْفَايْـــفْ تْشْفِي لاضْرَارْ يْنْزَاحْ لْبْـــــــلاَ والْبَاسْ فْحْضَانْ الهْوَى والْكَاسْ والزِّين رَاحْـــةْ الجُلاَّسْ والْخْمْرَة بْغْــــــــــــــــزَارَة تْرْوِي مْنْ الظّْمَا بْكْــيُوسْ الْبْلاَّرْ والْحَاسْدْ الرّْقِيبْ مَايْعْـــرْفْ مَاجَارِي
لله يَا الْمْسْرَارَة رَانِي عْشِيق فَانِي رَاعِي الجْوَارْ يَادَاتْ الغْزَالْ جُـــــــــــودِي بْمزَارِي
ق5 طْعْتْكْ يَا الْمْسْـــــــــــرَارَة فْشْرُوطْ لْحْكَامْ والــــــرِّيْ اُولْشْوَارْ مْحْسُوبْ مْع الموَالِي وخْدْم وجْوَاري غْنِّي وقُولْ بْجْـــــــــهَارَة يَاحَافْظْ القْصِيــدَة بْلّْغْ لاخْـبَـــــــارْ تَوْفِيقْ أَسْمِي والْمْـلْـــــحُونْ شْعَارِي وَالاَ رْضِيتْ بْضســــارَة والحَاقْدْ الشّْقِي بْدْنُــــوبُو يُحْشَـــارْ مَافِيهْ فَايْدَة مَاعَــــــارْفْ مَاقــــارِي وَانَــا نْوِيـــــــــتْ كْفَّارَة تْكْلِي عْلَى الْكْرِيـــــــــمْ الْحْيّْ الغْفَّارْ نْـرْجَـاهْ يْبْدّْلْ بْالْحْسْنَـــــاتْ ا وْزَارِي ××××××××× لله يَا الْمْسْرَارَة رَانِي عْشِيق فَانِي رَاعِي الجْوَارْ يَادَاتْ الغْزَالْ جُـــــــــــودِي بْمزَارِي | |
|