تــــــراث الملحــــــون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تــــــراث الملحــــــون

منتـــــــدى يهتــم بفـــــن الملحــــــــون
 
الرئيسيةالتسجيلأحدث الصوردخول

 

 سْلْوَانْ الْقْلْبْ والرُّوحْ نظم: توفيق أبرام

اذهب الى الأسفل 
كاتب الموضوعرسالة
Admin
Admin



عدد المساهمات : 739
تاريخ التسجيل : 27/01/2008
العمر : 124

سْلْوَانْ الْقْلْبْ والرُّوحْ  نظم: توفيق أبرام Empty
مُساهمةموضوع: سْلْوَانْ الْقْلْبْ والرُّوحْ نظم: توفيق أبرام   سْلْوَانْ الْقْلْبْ والرُّوحْ  نظم: توفيق أبرام Icon_minitimeالأربعاء 1 يناير 2014 - 21:59

سْلْوَانْ الْقْلْبْ والرُّوحْ

°°°°°°°°°
رَاحْتِي وْهنَايَا وْعْنَــايْتِـــــــــي فْسْلْــــــوَانْ
حُبّْهَـــا خْلْخْلْنِــي وْفْـــــــــــرَاقْهَا كْوَانِــــــي

ق1

اِيلاَ وْصْلْتِـي لْسْـــــلاَ للــــه يَــا الْوْرْشَـــانْ
بْلّْـغْ سْلاَمِـــــي لْلصّْحْبَـــة وْالْعْشْــرَانِــــي

يْجْزِيكْ المُولَى عْنِّـــي بْخِيــــرْ وْاحْسَــــانْ
مْعَ طْيُورْ الْجَنَّـة تُحْشَــارْ وْالْجْنَــــــانِــــــي

نَار هَـادْ الْغُرْبَـــة تْكًــــدِي بْغِيـــــرْ دُخَّـــــانْ
يَا مْحْنْتُــو مْــنْ ذَاقْ الْبِيــنْ وْالْهْــــــوَانِـــي

بْعْدمَـــا كُنْــتْ عْـزِيـــزْ فْلاَمْتِــــي وْنْشــوَانْ
صْرْتْ مْن ذَا الْهْجْرَة مْهمُــــومْ كَانْعَــانِــــي

°°°°°°°°°°
رَاحْتِي وْهنَايَــا وْعْنَايْتِـــــــــي فْسْلْـــــوَانْ
حُبّْهَا خْلْخْلْنِــي وْفْـــــــــــرَاقْهَــا كْوَانِــــــي

ق2

لِيسْ يْسْلاَ قْلْبِــي وَالاَ نْكُـــــونْ فَــامَــــان
غِيرْ فْسْلاَ مَــا بِيـــنْ السُّـــورْ والسّْوَانِـــي

مَانْسِيتْ انْزَايْــهْ لاْشْيَــاخْ بِيــنْ لاْغْصَــانْ
عْلَى نْغَامْ الْمَلْحُــونْ وشَــايْ فْــالصّْوَانِــي

القْصَــايْـــدْ لْعْجِيبَـــة رَايْقَــــــة بْاِثْقَــــــــانْ
نْغَامْهَــــا عْذْبِيَّـــــة بْالطّْبْـــــعْ وْلاْوزَانِــــــي

مْسَاوْيَــة بْالْعُــود اُو كَمَانْجَـــة وْسُوسَــانْ
تْسُّرْ خَاطْـرْ مْنْ هُـــو مَوْلُـــوعْ بْالْمْغَانِـــي

°°°°°°°°°°
رَاحْتِــي وْهنَايَـــا وْعْنَايْتِـــــــي فْسْلْـــوَانْ
حُبّْــهَا خْلْخْلْنِــي وْفْــــــــــرَاقْهَا كْــوَانِــــي
ق3

يَا الدَّاخْلْ لْسْــــلاَ سْلّْـــمْ لْهْــــلّْ لْمْكَـــانْ
عْلِيكْ أَمَانْ اللـــه اسْـــــلاَ وْكُــونْ هَانِــــي

بْلاَد الاَوْلِيَــــا لاْشْـــــرَافْ اهْـــلْ الدِّيـــــوَانْ
القْمَاهْــرْ ذْالْقُــولْ ضْــــــرَاغْــمْ الْمْعَانِـــي

كُلّْ مْنْ جَالْسْهُــمْ عْـــلاَ وْصَارْلُـــو شَـــانْ
وعَادْ جْبْحُو مَالـِــي بْالعْلْــــمْ والْمْتَـــانِــي

سْلاَ مدِينْة الْحْضْرْلْمْشْرّْفَــة مْــــن زْمَـــانْ
اسْــوَارْهَــا لْمْنِيعَــة وْبْـــرُوجْ فْالرّْكَــــانِـــي

°°°°°°°°°°
رَاحْتِــي وْهنَايَــا وْعْنَايْتِـــــــي فْسْلْـــوَانْ
حُبّْهَا خْلْخْلْنِــي وْفْــــــــــــرَاقْهَــا كْوَانِـــي

ق4

مِيرْهَا عياشـــي ورْجَــــالْهَــا الفُرْسَــــان
دْمّْــرُو بْمْهَــــارْزْ دْالْكُـــورْ كُـــــلّْ جَانِـــــي

هْمَامْهَا بْنْحْسُّونْ شرِيفْ مْنْ الضّْمَّـــــانْ
كْدَاكْ سِيــدِي بْنْعَـــــاشْرْ قُــرّْةْ لعْيَانِــــي

فْالشّْوَاهدْ سِيدِي مِيمُونْ مْنْ الشُّجْعَانْ
فْالْجْهَادْ الْبَــحْــري مْعْـــرُوفْ بْالتّْفَـانِــــي

كُلّْ مْنْ جَـــاهَا قَاصْـــدْ شْــــرّْ عَادْ هْرْبَانْ
خَابْ سْعْيُو وْرْجْـعْ بْهْــزَايْمُـــــو يْعَانِـــــي

بْطَا عْلِيَّا وْقْتَاشْ نْشّْـــمّْ رِيـــــحْ سْلْـوَانْ
نْتْـزهَّــــا بْالنّْظْــرَة فْجْمَالْهَــــا السَّانِــــي

رَاهْ شْرْبَةْ لْبْلاَدْ اِلـَـــــى تْكَـونْ قْطْــــــرَانْ
خِيرْلِي مْنْ شْهدْ الْغُرْبَة عْلَى لْسَانِـــي

تَوْفِيقْ الاَسْمْ نرْجَــــا عْفُـــو الرّْحْمَـــــانْ
يْجمْعْنِــي بْاحْبَابـِــي مَا رِيتُـــو كْفَانِـــي

°°°°°°°°°
الرجوع الى أعلى الصفحة اذهب الى الأسفل
https://malhoun.yoo7.com
 
سْلْوَانْ الْقْلْبْ والرُّوحْ نظم: توفيق أبرام
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة فُوزِيـَّـــــــــة نظم: توفيق أبرام
» قصيدة المسرارة نظم: توفيق أبرام
» مْصْبَاحْ النِّيَامْ نظم: توفيق أبرام
» سرابة الهاجر نظم: توفيق أبرام
» قصيدة توسل نظم: توفيق أبرام

صلاحيات هذا المنتدى:لاتستطيع الرد على المواضيع في هذا المنتدى
تــــــراث الملحــــــون :: منتدبـــــات الملحــــون :: قصائـــــــــد مقـــــروءة-
انتقل الى: