Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: سرابة الربيع العربي الأربعاء 1 يناير 2014 - 21:53 | |
| سرابة الربيع العربي
ارْبِيعْكُمْ نْذْبْــلْ والْـــوْقْتْ شْيَـــانْ وعْلاَمَاتْ الشّْــرّ لْلْـــوْرَى بَانُــــــو جَارْ الزّْمَانْ وفْتْحْ ثْغْــرْ البُـــرْكَـــانْ والنّْكْـــدْ تْمَــــادَا وْزَادْتْ احْـــزَانُــو
الفْتْنَة شَاعْتْ بِــيــــنْ العُــرْبَــانْ والْجَــارْ جْحْـــــدْ خِيــرْ جِيـــرَانُـــو الصّْدِيقْ اختارحضــن الشِّيطَــانْ وبْدَا لْخْــرِيــفْ مْــــنْ غِيــرْ أَوَانُــو
صْهْيُــونْ طْغَــا وْزَادْ الاِسْتِيطَــانْ وحْنَا مْرْسْمْنَــا رْشَاتْ سِيسَانُو صْرْخَاتْ الْقُــدْسْ عْمّْتْ لأرْكَــانْ والْعَرْبِي تَــــاهْ شَاغْــــلاَهْ فْتَــانُـو
الْفُوقِي رْجْعْ تحْتَانِي والدّْلِيلْ فْالنَّاسْ تْكْرّْمْ وْضْحَى عْزِيزْ مْصْيُونْ القْرِيبْ عَــادْ بْرَّانِــي الرّْجِيحْ مَالْقَا رْدّْ سُـــؤَالُو فْالزّْمَانْ مْشْطُونْ مْصَّابْ يْرْجْعْ تَانِـــي الرّْبِيعْ كِيفْ كَانْ مْخْضّْـرْ يْفْـرْحْ كُـلّْ مْغْبُـــونْ
هَادَا رْبِيعْكُــمْ مَاخْضّْرْ بُسْتَـــانْ لاَزْهْرَة فْتّْحَـــاتْ فْـاغْصَــــــانُـــو جْفّْتْ لاغْرَاسْ مْنْعْــتْ لامْـــزَانْ وطْيْارْ البُــومْ نْطْقْــتْ بْلْسَانُـــو
كْثْرْتْ لاحْزَابْ عْلَى كُــلّْ لْــوَانْ كُلّْهَا فْالْعِيــــبْ شَــاحْذْ لْسَانُو مَايْلُو حُجَّـة ولاَ يْلُـــــو بُرْهَـــانْ والْجَهْلْ عْلِيهْ طَــــالْقْ عْنَـــانُـو
الهْمّْ زَادْ يْكْفَـــــانِــي خُوفِي عْلِيكْ يَاعْرْبِي تْبْقَا فْالحْرُوبْ مْفْتُونْ حْزْنِي عْلِيكْ رْشَّانِي وتَاهْ عْقْلِي فْالتّْفْكِيــرْ وخَـــابْ كُلّْ مْضْمُونْ حَالْــكْ زادْ بْكَّـــانِـــي والنُّومْ مْنْ هْمّْــــكْ جْفَانِــي وهْجْرْلْجْفُــونْ
ارْجْعْ لْلتَّارِيــــخْ قْــرَا ,,مَاقَالْتْ جْمُـــوعْ الْخُبْـرَا ونْتَا كْالْهْبَـــا مْنْثُـــورْ مَافَادْ لْبْكَا وْالْحْسْرَة,,خْلِّيكْ مْنْ الّْلغَا والْهْضْرَة الزّْمَـانْ عْلِيــــكْ يدُورْ نْفْضْ لْعْكًزْ والْغُـبْــرَة,,اطْلُـبْ لْعْــلاَ والْــكُبْــــرَة اخْرُجْ مْنْ هَادْ الْحُفْرَة,,يْكْفَــاكْ مَانْتَــا مْحْكًـورْ | |
|