تــــــراث الملحــــــون
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

تــــــراث الملحــــــون

منتـــــــدى يهتــم بفـــــن الملحــــــــون
 
الرئيسيةالتسجيلأحدث الصوردخول

 

 قصيدة مـشـموم من بلادي نظم الحاج أحمد سهوم

اذهب الى الأسفل 
كاتب الموضوعرسالة
Admin
Admin



عدد المساهمات : 739
تاريخ التسجيل : 27/01/2008
العمر : 124

قصيدة  مـشـموم من بلادي  نظم الحاج أحمد سهوم Empty
مُساهمةموضوع: قصيدة مـشـموم من بلادي نظم الحاج أحمد سهوم   قصيدة  مـشـموم من بلادي  نظم الحاج أحمد سهوم Icon_minitimeالثلاثاء 16 أكتوبر 2012 - 21:25

قصيدة مـشـموم من بلادي


نظم الحاج أحمد سهوم

الــلآزمة :
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْوَ

الْقَمرَة ظَهْرَاتْ تَامَّة * كَـــانَتْ خَبَّاتْها اكبِيلَة لَغْمَامَا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بَاسْمْ النُّورْ اللِّي امنَوَّرْ السَّمَا اُ...و لاَرْضْ كُـلْها وَ اعْـلِيها قـيُّـومْ
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْوَ

الْقَمرَة ظَهْرَاتْ تَامَّة * كَـــانَتْ خَبَّاتْها اكبِيلَة لَغْمَامَا
اُو بَاسْمْ ارْحَـمْـتُه الـرَّاحْـمَة * بَاسمْ الْكَرَمْ مَنْ اكْريمْ الْكُرامة

بَاسْمْ الْحَقْ الْحَاقّْ الحقايَق اُو بَاسْمْ الْخيرْ حينْ يَخْتارْ اخْـيارْ الْـقُومْ

لَلْمْحَـنَّـة وَ الْـمْـرَحْـمة * بَ:الْخِيرْاُوعَللّْ الخيرْ تَتْلَمْ اللاَّمة

بَاسْـمْ الْعَدْلْ اِلَى ايْـشِيعْ حَتَّى يَشْمَلْ لَمْدُونْ وَ الْبْوادي دَاخَلْ وتْـخومْ

تَشْرقْ شَمْسْ الْكُونْ بَـاسْمـة * تَنْسَجْ لِيزُورْ مَنْ اسْدا لاَبْتِسامة

بَاسْمْ الْـجَمَالْ ارّْفِـيعْ..اُبَاسْـمْ الـذُّوقْ اِلَى اتْـذَوْقُـه..مَعْلُومْ اُمَفْهُومْ

الـذَّوْقْ ارْكيزَة اوْ قَايْـمـة * للَنَّهْضة ذَ الْوْطانْ سَنْدَا وَادْعامَة

بَاسْمْ الْحُبّْ اُو مَنْ اتْحابُّوا بَاسْمْ الْوِدّْ اُو مَنْ اتْوادُّوا وَالْكارَمْ مَكْرُومْ

اُو بَاسْمْ السَّمَا اوْمَـا اسْـمَا * مَنْ بَوْحْ الصَّالْحينْ اوْهْلَ الْكْرامة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْوَ

الْقَمرَة ظَهْرَاتْ تَامَّة * كَـــانَتْ خَبَّاتْها اكبِيلَة لَغْمَامَا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تَانَعْشَقْ مَـغْرابْتي.. اوْحَـضَارَتْها..اوْ تـُراثْها..اوْمَا نَتْسَلَّقْ سَـلــومْ

أنَـا وَاحَـدْ مَنْ الْـعَامَّـة * وَاكْثُرْتْ الْعَامَّـة افْ:قَوْمي حُكَاما

أنَيَا مَعْرُوفْ بينْ ناَسِي وَاهْلي وَ اعْشَايْري امْسِيَّحْ عَاشَقْ مَـغْــرومْ

فَ:بْلادي هَـذِه الـسَّالْـمة * مَنْ كُلّْ اعْيُوبْ دَامَتْ لْهاَ السْلامَة

انْتُما قُـولُواْ اللهْ عَالَـمْ وَ نَا دلاَّلْ خَـيْـرْ فَـالْـيَـقْـظَة أَوْ النَّوْمْ

كَ: نَنْظَرْ أَرْضِـي النَّاعْمة * غَرَّتْ جَبينْ لاَرْضْ باَنْوَارْ السَّما

يَا سُـبْحان اللهْ...مَا اتْفَرَّقْ فَ الدُّنْـيَا كُـلْهَا مَـنْ زِينْ هْـنَا مَـلْمُومْ

وَانَا رُوحِي فِيهْ هَـايْـمَـة * مَـا بِينْ مْحاسْـنُه ايْمَامة حَوَّامَة

نَبْدَا مَاحَدِّي فْ طَنْجَة, بَ الْبَحْرِين اللِّي فْ حَوْزْها, كَايْـنْ مَجْمَعْهُومْ

كَـرامَـة لاَهْـلَ الْمْكَارْمة * الْمُتَوسِّطْ امْــعَ الْمُحيطْ اتْسَامَا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْوَ

الْقَمرَة ظَهْرَاتْ تَامَّة * كَـــانَتْ خَبَّاتْها اكبِيلَة لَغْمَامَا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

أَما مَـنْ شُعُوبْ مَا لْقَاوْاْ ابْـحَرْ وَاحَـدْ في اوْطَانْهُمْ سَالواْ هَلْ الَّعْلُومْ

وَاهْلَ الـثَّـقافَـة الْـعَامَّة * وَاحْنَا بَحْرينْ مَنْ الْعِينْ السَّلامة

وَالْويدانْ اخْلاصْ, هَا اسْبُو..هَا وَرْغة... أَنا اصْـغيوَّرْ وَتْعَلَّمْتْ الْعُوم

اوْتا نَاكُلْ عَسْلُوجْ مَنْ الْمَا * دَرِّي وادْ انّْجَى اكْبيرْ الْـعَوَّامـة

وَاشْوَامَخْ لَجْبَالْ عَالْيَا...وَسْـهُولْ اُو وَطْـيَانْ رَاوْيَة ...وَاعْنَاقَدْ لَكْرومْ

نَضْجَاتْ لْـديدَة اوْ طَاعْمة * اُو يامَا مَنْ انْـعَايَمْ الـنّْعَايَمْ يَامَـا

الْحْـبُوبْ عْلى اصْنافْهَا...وَالْخُضْر اهْنا انْوَاعْهاَ مَشْروبْ اُومَطْعُومْ

تَـبَاركْ اللهْ دَايْـــمَـة * فَ الْبَرْ.. اُوبَحْرْ..وَالْهْوا...وَاما وَمَا

وَاشْ احْـمَدْنَا-ياحْبَايْبِي حَقّْ الْحَمدْ – الْمُنْعِمْ عَـنْ ماَهَابْ مْنَ انْــعُومْ

يَجْعَلْها لِنَا مْــــدَاوْمَة * مَنْ ذَ السَّـاعة اِلى الْيُومْ الْـقِيَّامـة
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْ

وَالْقَمرَة ظَهْرَاتْ تَامَّة كَـــانَتْ خَبَّاتْها اكبِيلَة لَغْمَامَا
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اُورَمْلْ الصَّحْرى ابْحَافْرْالعِيسْ..اُو لَغْزَالْ..اُوالْكُرْكْدانْ..اُولَمْهَرْ مُوشُومْ

وَاسْقُورْ الْقَنَّاصْ فَ السّْما * اوْشَفْتْ الظَّـلِيمْ كَايْنَقْنَقْ لَنْعَامـة

وَابْراجْ اُوقَلْعاتْ وَالاْسْوار ْ اتْحَدَّتْ الَاجْيالْ عَللّْ الْهَاجَـمْ وَللاَّمَهْزومْ

فَا مَا منْ وَقْعَاتْ حَـاسْمَة * كُـلَّ وَقْعَة انْظَمْتْ فيهَا مَـلْحَمَة

وادْالْـمَخَازينْ..تِـطَّاوَنْ.. وَجْـدة..وَسْـلاَ...وْغيرْهُمْ كِيفْ انْعَـدَّدْهُمْ

عـَرْفُـونَا أُمّة امْـسَالْمَة * اوْطَمْعواْ فينَااطْميعْتْ انْسَرْ فَحْمَامَة

لَكَنِّي بَ اللهْ وانّْـبِي وَ الْـعَرْشْ اُو ارّْجَـالْ وَانّْـسَا لاَزَلْـنا لَلْـيُومْ

نارْ فْ هَلْ لَطْماعْ ضَارْمة * اوْنُورْ اهْلَ الْوْفَا فْ دَنْيَا مَظْـلاَمَة

خَمْسَة فِي عِينْ اِبْلِيسْ..اوْقَزْبَرْاحْبُوبْ..اُفِيجلْ..اُواصْفِيحاتْ وْشُوكْ دُّومْ

اُو الشَّـبَّة وَالْحَرْملْ اِيعْمى * هُوَ وَ اجْحَافْلُه اللِّي كَـا تّْـرامـا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْ

وَالْقَمرَة ظَهْرَاتْ تَامَّة * كَـــانَتْ خَبَّاتْها اكبِيلَة لَغْمَامَا
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

النَّخْوة..وَالنُّبْلْ..وَالظَّرافَة..وَالرَّافة..وَالْمْلاَطْفة.. وَ الطَّبْعْ الْـــمَحْكُومْ

بَ اْلأَرْيَـحِـيَّة الـنَّـاجْمَة * عَنْ لَعْنايَة اوْعَـنْ اتْمامْ الشَّهَامة

الْمُرُوأَة عَنْدْنا ابْقَاتْ..وَ الْعَزَّة ذَالنَّفْسْ مَا اوْهَاتْ.. الـــفِكْرْ الْمَلْهُومْ

وَالْقَلْبْ الْمَوْصُولْ بَ السّْما * يَرْحَلْ بَ الرُّوحْ كُلّْ حينْ التِهامة

عـُـلومْ الْـقُـرْأَنْ جُـلّْــها تَـأمُّـلاتْ الـمْــغَـارْبَـة مُــشَاعْ اوُمَـــكْـــتُـومْ

وَ الصُّـوفِـيَّـة روضْـها انْـما * وَنْـتَـجْ لاَقْـطَابْ..والاْجْـراسْ..اوْعُــلَـما

اُوفِقْهْ السُّـنَّة..اوْفِقْهْ الُّلـغَة.. وَامَا مَنْ اعْـلومْ مَا يَـحْصيهُمْ مَـنْـظُومْ

وَافْنونْ الْـيَبْداعْ لاَهْـمَـة * مُولْ الْخَيْدوسْ.. وَتّْمَاكْ..وَالْعْمَامَة

هَانَيَا لَمِّيتْ مَنْ اجْنَانَاتْ اوْطَاني يَامْنِ ايصْغَاني هَـذْ الْـمَـشْـمُـومْ

تَهْـنِئَة فَ الْعِيـدْ نَـاسْمة * بَعْبِيرْ الشِّيحْ وَ الْقْرَنْـفَلْ وَاخْزَامة

قُلْتْ اُو بَاقِي تَانْقُولْ: عَاشَقْ فَ بْلاَدِي, سَايَحْ آسْيَادي وَ انا سُـهُــومْ

وَامْسَاهَمْ جَـلّْ الْـمْسَاهْمَة * فَ النَّهْظَة كُلّْهَا بْ نَثْرْ... اُونّْظَامَة

صَلَّى الله اعْلى انّْبِي الْعَرْبِي مُحَمَّدْ خَاتْمْ ارّْسَالَة نَعْمْ الْــمَعْــصُومْ

اصْلَى مُوصُولَة امْدَاوْمَـة * وَعْنَ اصْحَابُه اوْهَلّْ الْبَيْتْ الكُراما
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
بَخْ الْوَرْدْ الطَّلْ..والْهْبُوبْ اسْرحْ نَفْحْ الطَّيْبْ فَ الْبْلادْ..اُوعَبْقَاتْ انْسُومْ

وَالْقَمرَة ظَهْرَاتْ تَامَّة * كَـــانَتْ خَبَّاتْها اكبِيلَة لَغْمَامَا
الرجوع الى أعلى الصفحة اذهب الى الأسفل
https://malhoun.yoo7.com
 
قصيدة مـشـموم من بلادي نظم الحاج أحمد سهوم
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصيدة: شعر عن الشعر نظم الحاج أحمد سهوم
» الحاج أحمد سهوم يشرح بعض أبيات من قصيدة الشمعة
» قصيدة علام الموهوب في رثاء الحاج أحمد سهوم نظم عبداللطيف خوسي
» أسماء الله الحسنى نظم أحمد سهوم
» أسماء الله الحسنى للشاعر أحمد سهوم

صلاحيات هذا المنتدى:لاتستطيع الرد على المواضيع في هذا المنتدى
تــــــراث الملحــــــون :: منتدبـــــات الملحــــون :: قصائـــــــــد مقـــــروءة-
انتقل الى: