تــــــراث الملحــــــون

منتـــــــدى يهتــم بفـــــن الملحــــــــون
 
الرئيسيةاليوميةس .و .جالتسجيلبحـثدخول

شاطر | 
 

 قصيدة بهيجة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 443
تاريخ التسجيل : 27/01/2008
العمر : 117

مُساهمةموضوع: قصيدة بهيجة   الثلاثاء 16 أكتوبر 2012 - 15:14

قصيدة بهيجة

يا المالْكاني يا سلْباني يا زينت لَسْوارْ
يا روحْ راحتي والراحة
جيتكْ اليوم ب بشارَة ما جاني بِهَا بَشار
ناظَمْ حْروفي وذَاتي سَارْحة
أنت قُرَّتْ لَعْيانْ زَفْزوفة مْخنْرة ف دارْ
انت ياقوتة ف عقيق موشحة
عل صدر ثربة الطيبة الاَّ مَّة لَخيارْ
فيكْ انْبَّتْ عودي وعَشْقي يا لْمالْحة
هاني بَينْ مْحاسْنك نوصَفْ عثْبة وحْضار
غْزالة قدامي نشْعَرْ ما اوحى
سمِّيتكْ لَغْزالة ولَغْزَالْ ف الغابة مَسْرارْ
دَنَدَنْ يادَنْداني دَنْدَنْ ب راء والحا
وجيني يا حْروفْ وقولي لَسايَلْ لَخْبارْ
نَظْمي مَا ف لْخاطَرْ مرْتَاحة
لايَني زينَها فَيَّقْني و تَيَّهْني ودَّرْني تودَارْ
فَوْق أنظامي فَوقْ كلْ فصَاحة
شهْدو غيري شْهادة وشْهادْتي هي لَعْبارْ
هَيَّجْت حَالي ب أفكار شَطْحة
عَلَّمْتني الحَشمة ولادَابْ وعْشيرْ الجارْ
عَلَّمْتي لَمْدارية ولامْسامْحة
عَلَّمْتي لَحْيا مانَعْكَُرْ ولا يَخْرجْ عارْ
والكَلمة ف دروبَها فين رايحة
أنا مَسْعودْ والسَّعْد سْعَدْني جاني واختارْ
ف حْضَانكْ بَهْجاوي بلا مْراوْحة
أعطاك الله السَّرْ ولَبْها وفَضْلكْ بينْ الاقْطارْ
أبَهيجة غَاغتي لَعْشيقْ ما سْحا
وللي داقْ أهواك وارْضاك إرْجَعْ إجدد لَفْكارْ
الضْيافة والجودْ ولْطافة والراَّحة
للي حَبكْ تْحبيه وضَميه وتْعَزيهْ دِريلو مَقْدار
تشْفي غيارووتْعودْ من شارحة
تزْها فيك اللمة ف عْراصك تمْحي لوزار
بين اغْراس حْواضْ فايْحة
فيك النخلاتْ الباسْقة المْعانْقة تمتعيْ لَبْصارْ
فيك الربيع النخوة فََصْلو ما دْحة
فيك قمَمْ الجبال ف حوزكْ قبالتها لنهار
ف ناسك الشعبية ولا مْصارْحة
محْفوظة مَسْتورة حاطوا بيك الَاوْليا لَبْرارْ
لْباسْ الحمْرة نَضْرة ومْلاحة
واسْوارك لَمْسَوْرة مْلَحْفاك شيماتْ الوَقارْ
تْبَهْر الناظَرْ ماندَمْ ما امْحا
حيرْتي لَعْقولْ حيرْتي ناسْ سجية لَحْبارْ
بتكْبير ف بْساط العلم صَيْحة
منارة وصْوامعْ شامخة أسعْدات منْ شافْ وزار
أبهيجة يا الحمرا يا شَمْس ضْحى
كَرْمك لَعْظيم ب التاريخْ ومآترْوفنونْ الاثارْ
ف ألمَعْمور أخْباركْ واضْحة
إلا عَشْقوا لغْرامْ ف النْسا أنا فيكْ ما إتْعدْ ب عْبارْ
انت روحي ف عضايا سارحة
أمولاتي مدينتي أخالْ ف أوطانْي ب افْتخارْ
واسْمي نْبِّيْنو ف طَرَزْ الصَّفْحة
البعْليوي بَهْجاوي ف حْضَرت الشَّرْفة لَحْرارْ
ونْصلي عل لْمحبوب وف قلبي فرحة
ونْكَثَرْونهللْ ونْمَجَّد سيدْ نا محمد خيَرْ لَبْرارْ
الرجوع الى أعلى الصفحة اذهب الى الأسفل
http://malhoun.superforum.fr
 
قصيدة بهيجة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تــــــراث الملحــــــون :: منتدبـــــات الملحــــون :: قصائـــــــــد مقـــــروءة-
انتقل الى: