Admin Admin
عدد المساهمات : 739 تاريخ التسجيل : 27/01/2008 العمر : 124
| موضوع: قصيدة الغفار السبت 22 سبتمبر 2012 - 18:50 | |
| قصيدة الغفار
نظم الحاج أحمد الطرابلسي
*********
الحربة يا الغفار اغفر ذنبي**يا العالم عن قلبي قاصدك ترحمني وانت الرحيم**وكريم وتواب ************** جال فكري فالدار الفانية**وفاهمها تسبي من تبعها تاعب نفسو وزاد** لمحاين ولعذاب لا تآمن شي فالدنيا تقول**ملكي من كسبي كل شي دالغني رب الاشيات**وانت راك سباب فيق من نومك وتوكض وصيغ**قولي يا قلبي دير زادك هي التقوى وطيع**لجليل الوهاب تب وارجع وانطق وقول ليك**شاكي من ذنبي طالب عفُوك أمول الجود**يا الراحم باللي تاب ***************** آه عني فعلي ناقص**بالخطا قََوي ذنبي حملت عن كهلي شلاَّ ما نطيق**ونعيَّطْ مكتاب آه عني ما صنت وقات**ما تنبهت لعيبي لا صديق رشدني ونقول جاد**هذا من لحباب آه عني كيف المعمول**يوم يستاوى جنبي صرت وحدي ويجيوا اهل السؤال**كي نعمل فجواب آه عني شفت حياتي منام**وتقوَّى عجبي ولحباب اللي كنت عشيرهم**صاروا كاع تراب ***************** آش قدَّمْت ياراسي**والرحول اعلم شيبي وين زادك ما بين الزاد**ياك سبقوك الركاب آش قدَّمْت ياراسي** فيوم نبعث من تربي والخلايق فالمحشر واقفين**وتراجي لحساب آش قدَّمْت ياراسي** فيوم يتقوَّى رعبي يوم خمسين ألف سنة**جول وطَّالع لكتاب آش قدَّمْت ياراسي** وصايتي:كون متربي فباب جود الغني نادي**وقول يا رب الأرباب **************** يا الغني نسعى فضلك**جود لي وانت حسبي ونعم الوكيل أسيدي تروف**يا عاتق لرقاب يا الغني نتوسل بك ليك**توفّي لي رغبي استجب دعايا وارحمني وجود**يا نعم الوهاب يا الغني فيك رجايا**وطالبك تقبل طلبي بالشهادة تكرمني فلختام**ننجا من لعذاب يا الغني عَجَّلْ بعفُوك**ليك كرّيت بذنبي باسط كفوفي من قلبي نقول**فالضي وغيهاب **************** ليك نتوسل يا ربي**بجاه لحبيب العربي ولامّْتو وازواجو لمطهرين**والعشرة لصحاب ليك نتوسل يا ربي**بجاه نور ضيا هذبي والرسل الكرام وبلجراس**وبلامة لقطاب ليك نتوسل يا ربي**قريب فاجي لي كربي تَبَّتْ يقيني ..بيميني نريد**ياتيني لكتاب ليك نتوسل يا ربي**تفُكِّ جسمي من تعبي دخيل بالسجَّاد والعبَّاد**زكت فنبيك الأواب ***************** هاك يا حفاظي فن اللفاظ**فتراجم وهبي صول وافخر بالتقوى يا لبيب**والصدق والاداب بالعطور سلامي نهديه**فاح بالمسك الطيبي لاهل المعنى والطلبة ولشراف**من(صيلْ) المجتاب كل من سال على أسمي** تبينو وبهى نسبي ليس يخفى للي هو فهيم**وفصيح فلجواب احمد اسمي وسلا رسمي**ودين الاسلام مذهبي جميع من قال طرابلسي**نجاوبو هذا لقب جول واروى وافهم لوزان**هاك سقوة من شربي كيف قلت بقلبي نوصيك **قول من قلبك ..توهب فباب جودك نضرع بالخشوع**يا عالم وهبي فكل حين نتوسل ليك بالنبي**وبالآل والاصلاب | |
|