تــــــراث الملحــــــون

منتـــــــدى يهتــم بفـــــن الملحــــــــون
 
الرئيسيةاليوميةس .و .جالتسجيلبحـثدخول

شاطر | 
 

 قصيدة الفرانة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
avatar

عدد المساهمات : 443
تاريخ التسجيل : 27/01/2008
العمر : 117

مُساهمةموضوع: قصيدة الفرانة   السبت 22 سبتمبر 2012 - 11:44

قصيدة الفرانة

نظم بلعيد السوسي.


الحربة
لله يا الفرانة ليكم جيت داعي مول الفران = = ديما خبزي عنده عدو فرانه

القسم الاول
لله يا الفرانة كي ماشي ندير فران جا لحومتنا و حلف ما يسبقنا و لو خذا حلاوتنا ديما مخاصم معانا و مع عجيننا طالع له طول الزمان و عييت ما نساعد فيه و شحال ما نحزر فيه و اللي حتاج كنعطيه ديما في كل سيمانة نجيه بالبشارة عنده زربان و حلف عن خبزي ما يدير له شانه

القسم الثاني
مرة يسيفطه مشوط مرة فطير مرة يقول ليك جلاه و اللي حنى عليه اداه حتى لبدال ما خلاه و انا مساعف القانة عسى يصيب لينا غير الوصلة تبان الله يدير شي تاويل من صانعه قليق هبيل جلانا حتى المنديل ديما مفسد عشانا فطير خبزنا و كحل بالدخان و انا سكاري ما خطاش برقانه

القسم الثالث
درنا سبوعنا اتزادنا صبي صغير اتافقوا لنا العيال داروا شويش من الفال غريبة و كعب غزال والدتهم لو انا عسى يشوف وجهي يعمل لي شي حسان و يطيبه طياب ضريف و يكون في ليمن خفيف و يطرحه طريح لطيف الدار قاع فرحنا و ملي مشيت له بيدي يا لخوان كحل لينا فقصنا بدخانه
لقسم الرابع
درنا قريشلات نهار العيد الكبير عجنتهم خالتنا و حسبتهم عمتنا و رشماتهم جارتنا و ديتهم بالقانة و منين شاف فيا تكلم بالحسان دوا و قال نهار سعيد تهلا لنا فحق العيد و حقنا من القديد و جيب حق شعبانة و جيب لنا الفطرة دا شهر رمضان و الا جبت الفقاص جيب ثمنه
القسم الخامس
جاوا الاحباب عندي عجنوا ناسي كثير حبوا يفطروا الضياف داروا رغيفات خفاف من الطحين دا التزراف اداتهم مرجانة صابت صانعه زعفان بهم الزمان مخه من الكيوف خوا مدوخاه شي حلوة تمة اصعابت الدعوة وصلت ليه زربانة لها نهض قام يتبعها زعفان ينكي فيها بمطارحه و عيدانه

القسم السادس
حلفت غير نمشي عنده و لو يطير فالحين مشيت له زربان و مشيت بالبطر زعفان لعنده جبرت شي قومان لمعلمه مشيت انا و منين شافني و تكلم بالحسان دوا و قال يا الحبيب ذاك البشيع راه صليب تم زاد كلام صويب ليام راه زربانة و انت حبيبنا بالقلب و الاكنان و تصالحنا تمة في قلب فرانه


القسم السابع
ما قالت عيب في الفرانة الا الخير لانهم قادرين صحاح غير الشخوص و الرجاح عاملين في البلاد صلاح و حرفتهم مزيانة حاشا نذمها مرفوعة همة و شان و انا عملت في الميزان فرجة للذي فنان بها يونس العشران ضحكة مع الفرانة في خاطر المعلم عبد الرحمن يونس بها صانعه و فرانه

القسم الثامن
لله يا الفرانة قبلوا هديتي في هذا الميزان
والاسم ما يخفى لكم شهرانه
بلعيد يا الفرانة في ارض فاس معاشر كم من فنان
ما يخفاش على الدهات طرز غزلانه
و سلام يا الفرانة نهديه للاشياخ بقلبي فرحان
ما هب الياس و الياسمين في اغصانه
و كذاك يا الفرانة لجميع كل منه طالب ذهقان
له نسلم كل ضيا و ديجانه
الجحيد يا الفرانة ما جانيشي الوحش الهرنان
نعطيه النخالة تريب اسنانه
ندريه يا الفرانة فار و يدور في شي غيران
خاصاته شي قطة تخرج اعيانه
لكن يا الفرانة يكفيه غل جهده وحش الانسان
بالفيش مع الغدة مطبع زمانه
و انا يا الفرانة تكلي في خالقي سبحانه سبحان
يمحي عني ذنبي و جميع وزرانه

لله يا الفرانة ليكم جيت داعي مول الفران
ديما خبزي عنده عدو فرانه
الرجوع الى أعلى الصفحة اذهب الى الأسفل
http://malhoun.superforum.fr
 
قصيدة الفرانة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
تــــــراث الملحــــــون :: منتدبـــــات الملحــــون :: قصائـــــــــد مقـــــروءة-
انتقل الى: